Wq/tn/Florence Omagbemi
Florence Omagbemi
[edit | edit source]Florence Omagbemi (yo o tshotsweng ka kgwedi ya Tlhakole e tlhola malatsi a le mabedi ka ngwaga wa 1975) ke motshamiki wa pele wa kgwele ya dinao wa Nigeria. O ne a le karolo ya setlhopha sa bosetšhaba sa kgwele ya dinao sa basadi sa Nigeria go ralala Dijana tsa Lefatshe tsa Basadi di le nne tsa FIFA, Dijana tsa Ditšhaba tsa Basadi tsa Aforika di le mmalwa le kwa Diolimpiking tsa Selemo tsa ngwaga wa 2000. Ka ngwaga wa 2016, o ne a tlhomiwa go nna mokatisi wa nakwana wa setlhopha sa bosetšhaba, ka gore mo nakong e e fetileng e ne e le mothusa mokatisi wa setlhopha sa bosetšhaba sa kgwele ya dinao sa basadi ba ba ka fa tlase ga dingwaga di le masome a mabedi sa Nigeria.
Dikinolo
[edit | edit source]- "Ke tla batla go dirisa tshono e go gakolola mekgatlho ya dinaga mo Aforika go direla ditlhopha tsa bone tsa basadi go le gontsi. Re batla go leka go tlhabolola motshameko wa basadi. Fa re na le dikgaisano tse dintsi kgatlhanong le rona go tla nna botoka mo go rona, re na le tshono e e tshwanang ya go tokafatsa maemo a tiragatso ya bone fela jaaka mo setlhopheng sa Cameroon."
- "Falcons coach, Omagbemi calls for more women competitions in Africa", Daily Post (December 5, 2016)
- "Re lebile ka kwa ga Aforika jaanong. Mme ke ka moo ke batlang go kopa Caf go fa basadi tshono e ntsi ya go gaisana ka bontsi e seng fela ka Nations Cup.Ka gore botshelo jwa basadi mo motshamekong bo farologane le jwa banna. Ka re tshamekile Sejana sa Ditšhaba dingwaga di le pedi, re lebile nako ya dingwaga di le nne tsa Sejana sa Lefatshe sa Basadi. Fa re ka kgona go dira gore ba nne le seabe se sentsi le go leka go rulaganyetsa dikgaisano tse dintsi tsa basadi mme re tla bona mongwe le mongwe."
- "Falcons coach, Omagbemi calls for more women competitions in Africa", Daily Post (December 5, 2016)
- "Ba tshwanetse go dira ka natla thata, ba nne ba tsepamisitse mogopolo mme, sa botlhokwa, ba beye Modimo kwa pele mo go tsotlhe tse ba di dirang mme o tla tlhokomela tse dingwe tsotlhe."
- "Omagbemi: Playing in the national team was an honour, a fulfilment…", Naija Times (December 25, 2020)
- "Agona sepe se se thari mo botshelong fa fela botshelo bo le teng."
- "Omagbemi: Playing in the national team was an honour, a fulfilment…", Naija Times (December 25, 2020)
- "Ke batla go leboga setlhopha sa Cameroon le mokatisi ka go re neela motshameko o montle. E ne e le makgaolakgang a mantle go lebelela go bona ditlhopha tse pedi tse di gaisang mo Aforika di gaisana."
- "Ke bua mo boemong jwa Nigeria le kontinente ya Aforika. Fa re tswa kwa dikhonferenseng tsa bobegadikgang ka dinako tsotlhe, re utlwa dikgang tse di farologaneng ka fa mekgatlho e e farologaneng e kgaratlhelang go bona tshegetso ka teng go dira gore ditlhopha tsa bone di siamele kgwele ya dinao ya basadi. Jaanong, re feditse ka Sejana sa Ditšhaba. Re batla go tsepamisa mogopolo gape le go bona gore re ka baakanyetsa jang ditlhopha tse kgato ya sejana sa lefatshe."